首爾闖蕩—Day 2
2017年04月12日17:25

由於之前太累,一夜好眠後又一條好漢,就去押鷗亭附近食午餐,押鷗亭....好多整容診所既呢。

我好喜歡韓國地道泡菜。

呢間最出名牛肋骨同水冷麵。

牛肋骨好鬆化,而且個做法唔會太鹹,但份量太大,兩個人叫二人份量都食唔晒。

水冷麵反而比較一般呢。

以下是整容醫院既外貌,最想要既童顏啊!

沿路都見到不同整容醫院,老老實實咁既環境唔係唔入去整下嘛?哈。

當然我無去整容,但呢度咁多整容診所,真係想入去睇下自己整靚啲要幾錢,我只需要整高個鼻同抽十大桶脂肪咁啦。

你睇,美得像酒店。

成幢都係整容。

之後朋友帶我去林蔭太道,一個好舒服、好好行地方。

好鍾意呢度,啲鋪頭仔賣既都係靚嘢。

朋友帶我去呢間cafe,實在不可思議,個彩虹蛋糕好食到不得了。

大家只會覺得彩虹蛋糕得個樣靚,呢度係超好味!

佢超級鬆軟,又夾上士多啤梨,個cream唔膩,實在太開心!

之後繼續遊走新沙洞,之後去江南 (即係江南style個江南)。

其實佢似CWB,鋪頭都係似CWB。

我覺得本土特色唔多,或者……我太熟悉銅鑼灣,哈。

行一陣就要去食飯,因為夜晚要返東大門買衫,啲商場要夜晚先開門。

食呢間沙灘的珍珠。

佢有蒸海鮮同烤海鮮,而我揀烤海鮮。

我覺得佢係貝類為主 ,個蟹蓋雖然只係配蟹腳肉(近似蟹柳),但係佢加埋個蟹膏去煮後就超好食。

除了上圖,仲有咁多。

噢!呢幅相有味道的,韓國海鮮好好食,鮮味得多。

呢個係乜?腸仔?蟲?

呢個其實係有番薯夾心年糕,不可思議但非常好味!

仲有兩隻大蝦。

帶子炒意粉,唔知點解……煮煮下變了白汁。

我兩個趕回東大門,就為了去呢度,呢個又係批發場,但買夠5件(或指定數目)就會半價。

佢底層賣既飾物好靚,揀5件容乜易喎,我係咁買耳環好開心呢。

個場既衫如果零售價買多數都係$400-500一件,咁當你去到韓國當然想平啲,但呢個場d衫係幾個場中最高質同款靚。

韓國衫最大特色係多details位,近年比日本衫優勝。

如果同幾個女仔朋友來,喺一間舖買夠5件(或指定數目)就好抵,而且呢個場係最整齊的。

我間酒店樓下就連續有幾個零售場,但啲衫簡直無眼睇。

最後行一陣買了5件衫一條裙褲。

最後條褲我拿出勇氣講價平了10000won。

行完又上酒店放低戰利品及試衫就去食宵夜。

Cafe:

Dore Dore

地址:首爾市江南區新沙洞544-4(강남구신사동544-4)

http://www.doredore.co.kr/

沙灘的珍珠 갯벌의진주 (新論峴站)

地址:서울 강남구 논현동 163-12 2층

原文連結:

首爾闖蕩—Day 2

相關文章:

首爾闖蕩—Day 2

我係大少奶

散文與食譜作者、專欄作家;除了寫食譜及食評,還有旅遊及美容產品

關注我們Facebook專頁