大笨鐘維修緊但影到全貌?沈卓盈 直認婚照有P圖
2019年03月15日00:27

現年34歲嘅「沈大師」沈卓盈(Jess)宣佈2月16號喺布吉完婚,仲公開同老公Calvin喺英國倫敦同巴黎影嘅婚照,一眾網民得知喜訊後紛紛送上祝福,仲大讚相片影得好靚好甜蜜,之不過今日就有網民質疑其中一張以大笨鐘為背景的婚照係P 圖,到底發生咩事呢?

撰文:東方新地 |圖片:沈卓盈IG、新傳媒圖片、無綫電視截圖

延伸閱讀:

陳茵媺細女戴后冠神還原媽咪當年 盡得媽咪真傳!

進軍荷里活 殺入美劇界!陳法拉 同金像影后拍HBO新劇

34歲沈卓盈 宣佈婚訊

沈卓盈喺IG上載婚紗照並留言:「從不期望驚天動地的愛情,只求細水長流的甜蜜。不知不覺間原來我們的緣份源於十年前的一面,可是種子並沒有在那一刻萌芽。猶幸上帝的安排、緣份的牽引,令我們在四年前的那一天再次重遇,讓彼此加深了解,一起學習,一起成長,再一同走向人生的新一頁,成為相依相伴的伴侶。❤」

沈卓盈接受傳媒訪問透露Calvin上年年中求婚,過程開心又浪漫!而佢好鍾意法國及英國,所以上年年尾都喺呢兩個地方影婚照,,非常浪漫!

大笨鐘造假?

之不過其中兩張以倫敦知名的地標大笨鐘(Big Ben)為背景嘅婚照,被網民質疑「造假」,事關於2017年開始大維修,四周架起棚架,但沈卓盈婚照上的大笨鐘居然拍攝全貌!

現在全個大笨鐘已經被圍起!

A post shared by Arun Sagar (@aso4762) on Mar 14, 2019 at 7:59am PDT

直認婚照背景執相

而沈大師今日出席活動,被傳媒問及此事時直認婚照執相,她表示去到時大笨鐘的確係圍咗鋼條,及後攝影師細心幫二人執相,而佢都好滿意後期效果,也有保存原有照片留念。

2.16布吉完婚

沈卓盈又趁住白色情人節,同大家分享婚禮的細節:「我喺2月16號喺布吉完成婚禮,成個儀式都喺當地舉行。由行禮音樂奏起,媽咪拖我進場已經好緊張,老公比我早喊,到我讀結婚誓詞時,我都忍唔住!」二人未決定否在香港擺酒,也未去度蜜月,暫時努力工作,生B就隨緣。

婚禮的姊妹團包括陳自瑤、徐淑敏、何傲兒等,被指「少婦聯盟」龔嘉欣、陳凱琳及譚凱琪冇份做姊妹,記者問佢哋是否知道其婚事,沈大師說:「其實得屋企人同兄弟姊妹知,事後同佢哋再慶祝,相信佢哋都明白,身邊好多親友都未知,趁今日一次過交代。」

左手無名指戴上法國珠寶品牌的對戒!

Cover Girl選舉奪冠入行

沈卓盈02年參加無綫第四屆「《TVB周刊》Cover Girl選舉」奪冠入行,雖然多年來不乏演出及做主持的機會,但多被派以演花瓶、狐狸精的角色,代表作欠奉!

早年沈卓盈都有份影TVB月曆,佢同一眾小花、小生影水著相!

09年《古靈精探B》大跳鋼管舞

「沈大師」沈卓盈喺劇集《古靈精探B》有鋼管舞演出,動作較簡單,勝在夠火辣性感,播出期間成為一時熱話。

沈卓盈 朱晨麗
沈卓盈 朱晨麗

沈卓盈 朱晨麗
沈卓盈 朱晨麗

她曾參演TVB劇集包括《結·分@謊情式》、《衝上雲霄II》等。

沈卓盈: 我唔使靠托!

33C沈卓盈早年出席各大活動頻頻作性感打扮,露腿又拋胸,因而被封「新咪神」,外界更把她和「咪神」高海寧比較,不過沈大師當時表示:「我唔使靠托!」真材實料又堅挺咁話!

沈卓盈雖然成日作性感打扮頻晒胸,但佢一對白滑長腿才是標誌!

沈大師成日戰鬥格出騷,不過對腳又真係好修長!

現年34歲「沈大師」沈卓盈於去年底約滿離巢大台,告別工作了16年的無綫。

沈卓盈 朱晨麗
沈卓盈 朱晨麗

沈卓盈
沈卓盈

入行前做兼職模特兒的沈卓盈,由唔識化妝到現在女人味出晒嚟,其玲瓏浮凸身材更是得天獨厚。

沈卓盈聲稱被非禮

沈大師早年在微博自爆遭旺角一名跌打醫生鹹豬手,佢話個醫生都好多圈中人幫襯,估唔到做出咁下流嘅签為,事後佢喺TVB經理人陪同下到旺角警署報案!

約徐淑敏行名店

Jess同徐淑敏因為合作主持《最緊要正字》而成好友,兩個女仔成日被影到收工後一齊唱K行名店,徐淑敏嫁黃浩後,都不時約埋一齊行名店!

擇偶條件高 被指釣金龜

34歲的沈卓盈擁有女人夢寐以求的S形身材,回顧佢嘅情史,先後戀上飛機師Simon,以及楊秀惠舊愛、金融才俊麥偉汶(Ray),到之後同家族經營內衣出口生意嘅富商Calvin拍拖,多年來外界指Jess舊愛全是非富則貴,擇偶條件甚好高,無寶不落!

沈卓盈
沈卓盈
沈卓盈入行冇耐畀本刊影到收工有男士揸架保時捷接收工!

沈卓盈同身家過億的金融才俊男友Ray拍拖3年,一直甜蜜,以為就快上岸做少奶奶,點知有傳出佢哋喺停車場嘈交,Ray激動到用網球拍打落沈卓盈架車度,之後有指沈無再返男友禮頓山豪宅。

前男友Ray

之後本刊影到佢哋仲一齊去大坑拍拖,之但係就相對無言,阿Ray食完嘢拿拿臨起身走人,一支箭去買咖啡,買完又無理旁邊女友,自顧自走去攞車,沈大師勁無癮喺後面跟住!結果⋯冇耐佢哋分咗手喇!

沈卓盈為自己平反

之後沈卓盈識到家族從事內衣生意嘅富商Calvin,男方家住禮頓山過億嘅獨立屋,其內衣褲貿易生意遍及歐美!JESS之前佢接受本刊訪問時,否認外界指佢釣金龜,話要為自己平反:「拍拖好正常,係每個人生活嘅一部分,只係外界經常過分放大我嘅感情生活,忽略咗我都有畀心機工作,演好每一部劇。我啲家姐24歲就結婚生仔,所以我自小就對愛情有憧憬,曾經渴望22至24歲就嫁人,希望有個幸福家庭,但依家我覺得緣份最重要,有啱嘅人我會試,唔得亦唔會勉強。」

沈卓盈
沈卓盈
年前本刊影到沈卓盈會合富商男友Calvin!
Calvin出入坐寶馬,仲有司機接送,好富貴!

對住男友甚有原則的沈卓盈話過:「女人幾叻都好,最終都係要搵個好歸宿support自己。男友Calvin已經去到一個地步唔需要經我就約我啲家姐食飯,連我3歲嘅姨甥女都好鍾意佢,搞到我呷醋。」

沈卓盈
沈卓盈
沈卓盈加入無綫14年,她表示每個人的時間表和命運都不同:「入行多年我都只想做好自己,冇得同人去比較,個人積極心態係最緊要。」

同場加映:森美被指P圖過度

趕拍新劇嘅森美昨晚喺中環拍外景時拎住盒牛腩飯自拍,仲話淨係個景都價回票價!之不過,網友們錯重點,唔單止冇留意景色,大家都將重點放咗喺佢臉上,事關年屆44歲嘅佢皮光肉滑皺紋都唔多條,難怪有網友仲留話「多咗啦」、「請問用咩美肌軟件」、「P圖過度喎」⋯⋯

估唔到連「豹嫂」胡蓓蔚都留言問佢:「請問用咩護膚品?」有網友回應話護膚品係「美圖秀秀」!

View this post on Instagram

Statement eyeliner,Burgundy lip You are all set for autumn 🍂 📷 @stephenmakeup #colorofautumn

A post shared by Paisley 胡蓓蔚 (@paisleyhu) on Oct 6, 2018 at 6:59am PDT

森美 神回反擊

見網友洗版話佢P圖,森美忍唔住留言回應:「你睇咗啲牛腩咁多紋都知我冇p圖啦!」反擊P圖之說,而森美今朝喺電台開咪話連豹嫂都咁講,搞到佢驚一驚,立即睇吓啲牛腩有冇紋喎!唔知大家覺得森美有冇P圖呢?

6位女星P圖失手實錄

1. 周董老婆IG曬腿相 P圖失手

P圖是每個女生post相前的指定動作,就連女神都唔例外!不過P圖都算是一個高深學問,不少女星經常被捉到P圖的證據,好似周董老婆昆凌咁,婚後的她為周董誕下一子一女,透過適量的運動和飲食,瘦下來不少,看上去每張照片的身型都好均勻,絕不像生過小孩的媽媽,而且照片的色調亦沒有過份鮮豔,完全看不出P圖的痕跡!

周董老婆
周董老婆

這次出事的照片就是以下這一張,她在照片旁的貼文提到:「好的攝影師會讓你有6呎高」,第一眼看上去,注意力會集中看到一雙又長又白的美腿,但細心再看會發現:後面的西瓜沙灘波由圓變方、右側的泳池邊向下凹陷和樹旁的竹竿都有輕微變形。因此引起P圖疑雲,有不少網民亦質疑腿真的P得太幼了!

不過就算面對一眾網民的質疑,亦無阻昆凌的好心情,一於懶理這些負評,而且繼續照post美腿相益大家!

其實回帶看昆凌的照片,就會發覺她的腿不算粗,所以這次的失手可能真是貪念太大,只可以說女生不管多瘦都不會有滿足的一天!

2.花姨 P到欄杆變形

係女人都怕老,不過歌都有得唱「經過那些年……」無人敵得過歲月,好似汪明荃今年67歲,老得自然又優雅, 從無人工添加, 連自拍照都甚少後期製作扮young,細阿姐一年嘅宮雪花,迷戀美圖秀秀令她回春,執到面目全非,對眼大過羅茲威爾外星人!

呢張仲搞笑,P到連欄杆都變形!

呢張出事!
呢張正常!

3. 舒淇 變白滑肌

舒淇趁著好天氣去郊遊,大晒多張靚靚大頭Selfie,不過唔知佢錯手將P圖前後嘅相全一齊貼晒出嚟!原圖中可見舒淇臉上有雀斑,而P圖後臉變得又白又滑,連頂帽嘅字樣圖案都冇埋。

之不過舒淇之前都曾多次影自己嘅索顏照,白頭髮同雀斑都出晒嚟,相信佢一時錯手無心之失亦唔會介意,而網民亦都讚多於彈,大讚女神有瑕疵才夠自然!

4. 安以軒 P走鼻哥窿

台灣女星安以軒喺微博上載一系列自拍照,可惜女神修圖一時重手咗,其中一張相P圖過度,左邊鼻孔神奇消失,變靚不成反變驚嚇!

5. 吳亞馨 P圖P到海岸線變形

曾是狄易達女友嘅台灣女星吳亞馨,本身是模特兒出身,身材不俗,但只有C cup上圍嘅佢在一輯三點式泳衣照中,展現出「暴乳」級嘅葫蘆身形,睇真啲,就發現喺佢腰線位好明顯有P圖痕跡,因為實在P得太重手,P到連海岸線都離奇變形!

P圖
P圖
吳亞馨條蛇腰點嚟?你睇吓條海岸線變形就知啦!
P圖
P圖
吳亞馨原本擁有C cup上圍,谷一谷都好有睇頭。

6.女神倪晨曦P圖 搞到路人扁咗

60萬IG粉絲是如何煉成的?倪晨曦(Elva)嘅心得就係每日都要扮靚出post絕對唔懶得!

倪晨曦身型Fit到爆,自然咩類型衣著都係咁好睇~

Elva出晒名靚女又身材正,但最近佢喺Facebook上傳一張旅行街拍,就被眼利嘅網民發現佢P圖P到張相都扭曲哂!Elva隨後都有喺IG度承認網民嘅說法,仲公開咗原圖並解釋,究竟係咩事啊?

大家又睇唔睇得出張相有咩端倪呢?

倪晨曦大方回應

經常同網民互動嘅倪晨曦都好快發現咗網民嘅留言,亦大方喺自己Instagram嘅限時動態張貼咗網民嘅討論,竟然仲讚番網民好眼神?!

倪晨曦P圖
倪晨曦P圖
唔少粉絲都留言笑Elva執完相搞到路人變哂形,空間扭曲哂!

網民:女神識扭曲空間有乜出奇?

高手在民間!網民嘅留言往往都好精彩,甚至有人用「消失點」嚟分析呢張相!好似好Pro咁,拋窒小編啦⋯⋯

為咗整扁自己而P相?!

倪晨曦公開答案,原來係想將長方形嘅相變做正方形方便喺Instagram上傳,女神嘅思維果然與眾不同!

倪晨曦P圖
倪晨曦P圖
大家睇唔睇得出分別啊?

睇唔出嘅唔緊要,因為P扁咗嘅倪晨曦都一樣咁修長,小編一開始都發現唔到,所以為大家整咗張對比圖⋯⋯

倪晨曦P圖
倪晨曦P圖
拼埋左邊Before右邊After睇睇,可以發現背景右邊嘅地磚歪哂,路人都有嚴重變形,但倪晨曦P圖後都仲係好修長囉⋯⋯

延伸閱讀:

貝依霖爆童年慘遭受家暴經歷 「佢打到我爆晒缸!」

關注我們Facebook專頁