52歲黑仔姜皓文捱足33年終出頭 老婆殷寧甘苦與共19年
2019年04月15日20:17

今年52歲花名黑仔的姜皓文出身於亞洲電視,入行33年,由茄哩啡做到配角王,再做到今時今日男主角位置,甚至今年榮獲金像獎提名影帝,一切得來不易。最近,黑仔於無綫新劇《鐵探》中的演出亦同樣被受讚賞 ,但背後原來與其過往經歷有關。

撰文:東方新地|圖片:新傳媒圖片庫、劇照、電視截圖、姜皓文微博|編輯:Cyan

延伸閱讀:

快走運動比慢跑更輕鬆!每天快走30分鐘 一個月即減5kg!

【2019更新版】回顧Jo Malone 熱賣香水Top5 送給閨密的最佳之選!

姜皓文被激讚勁好戲

近年幾乎套套港產片皆有姜皓文其影,而最近播出的新劇《鐵探》他亦有份擔演,首次為TVB拍劇的黑仔於劇中演技大爆發,尤以於監獄中Bingo(姜皓文飾)與患有腦退化症的嫻姐(盧宛茵飾)相認一幕最為深刻,亦感動不少觀眾!

姜皓文
姜皓文
Bingo(姜皓文飾)於監獄中與患有腦退化症的嫻姐(盧宛茵飾)相認。
姜皓文
姜皓文
嫻姐(盧宛茵飾)兒子Bingo(姜皓文飾)

由電視圈跳到去電影圈,再由電影圈首拍TVB電視劇,多年於演藝圈的浸淫,實力當然無可置疑,難怪黑仔都被網民大讚該幕對手戲非常好戲,令人催淚!而且,有網民指黑仔的內心戲、感情戲比同劇演員,甚至同樣飾演過警隊臥底的謝天華(《潛行狙擊》的Laughing哥)更動人!

姜皓文
姜皓文
黑仔被網民大讚該幕對手戲非常好戲,令人催淚!
姜皓文
姜皓文
黑仔被網民大讚該幕對手戲非常好戲,令人催淚!

面對網民讚賞,黑仔謙虛澄清《鐵探》的Bingo與《潛行狙擊》的Laughing哥是兩個不同的卧底角色,並解釋獄中相認一幕之所以如此入戲,原來是想起過往與婆婆相處的畫面,皆因其婆婆都同樣患有腦退化症,曾試過食飯途中突然不認得黑仔。

姜皓文
姜皓文
黑仔解釋獄中相認一幕之所以如此入戲,原來是想起過往與婆婆相處的畫面
姜皓文
姜皓文
嫻姐突然記起親生兒子Bingo。

坎坷身世

因身同感受而更容易投入劇情,黑仔於訪問中更坦言自己睇劇本時已經不禁眼濕濕!事實上,黑仔的童年及青少年時期亦並不過得如意,他一出世後不久爸爸便拋棄家庭,只好與媽媽及弟妹過活。後來,媽媽患病,無可奈何之下惟有把弟妹都送到兒童院,減輕負擔。

姜皓文
姜皓文
黑仔的童年及青少年時期亦並不過得如意,他一出世後不久爸爸便拋棄家庭,只好與媽媽及弟妹過活。
姜皓文
姜皓文
後來,媽媽患病,無可奈何之下惟有把弟妹都送到兒童院,減輕負擔。

14歲時,媽媽過身,黑仔被送到由香港學生輔助會營運、位於觀塘的少年宿舍,自始自己照顧自己。雖然如此,黑仔仍正面面對生活,初中時他與宿友到酒樓賣點心、做裝修、表演雜技,靠自己賺錢維持生計。

姜皓文
姜皓文
14歲時,媽媽過身,黑仔被送到由香港學生輔助會營運、位於觀塘的少年宿舍,自始自己照顧自己。
姜皓文
姜皓文
初中時他與宿友到酒樓賣點心、做裝修、表演雜技,靠自己賺錢維持生計。

其後,因當時的女朋友於特約演員公司工作,因緣際會下成為人人口中的「茄喱啡」,更膽粗粗下參加亞視第一屆香港電視先生選舉,奪得亞軍兼誤打誤撞加入亞視,正式入行!

姜皓文
姜皓文
1986年《第1屆電視先生選舉》
姜皓文
姜皓文
黑仔曾表示戲份多與少並不重要,只要是精彩的演出,一場就夠!

曾欠債財困

不過當時未有人氣的黑仔曾被認錯是莫少聰,而且出鏡機會極少,打開銀包只有幾元,可說是窮到燶。試過被包租婆追屋租,鎖門,被稅局追交稅等。財困情況下,黑仔最後用所剩的錢買六合彩,博中獎有錢交租,最後沒有中獎的他幸好有朋友願意借錢,才令他捱過那段黑暗日子!

姜皓文
姜皓文
當時未有人氣的黑仔曾被認錯是莫少聰,而且出鏡機會極少,打開銀包只有幾元,可說是窮到燶
姜皓文
姜皓文
幸好有朋友願意借錢,才令他捱過那段黑暗日子!

姜皓文與太太恩愛19年

姜皓文與殷寧(原名金慧英)結婚19年,人前人後表現恩愛,去年結婚周年紀念日,黑仔更送上檳城一層樓給殷寧,揚言要與摰愛「牽手相伴甘苦與共」。黑仔對於老婆多年來的遷就更是感恩,雖然時有嘈交,不過二人很珍惜這段關係。

姜皓文
姜皓文
上年二人一起去日本福岡浸溫泉食好嘢。
姜皓文
姜皓文
15年在殷寧計劃下,夫婦二人外遊慶祝結婚周年,更影了一輯sweet爆的婚紗相。
姜皓文
姜皓文
為支持黑仔的電影事業,二人不時孖住出席首映及公開活動放閃。

常吵架 但要懂珍惜對方

黑仔笑言同老婆結婚十八年嚟成日嗌交:「初初結婚唔識得點去珍惜,唔識點去處理婚姻生活,兩個人生活,唔係咁簡單,唔係話住埋一齊,你就我、我就你,真係有種節奏喺度,大家要配合得好好。我覺得最忌一樣嘢,兩口子點樣發脾氣、點樣惡都好,唔好講啲真係太傷人嘅說話,一次就你、兩次就你,三次就真係唔得㗎嘞,唔可以郁啲話離婚、分開,千祈點嬲都要忍住唔可以講,除非你唔想段婚姻長久落去啦!老土啲講句人氹人係OK嘅,個節奏咪大家盡量去配合囉!」

姜皓文
姜皓文
黑仔笑言同老婆結婚十八年嚟成日嗌交
姜皓文
姜皓文
黑仔笑言同老婆結婚十八年嚟成日嗌交

上年二人19週年結婚紀念,他在社交網站留言稱:「我一定要你繼續幸福下去,今日⋯ Happy 19th Anniversary 」認真羨煞旁人!

愛妻號 檳城買樓送太太

在二人18週年結婚紀念時豪花七位數字喺檳城買樓送畀太太,問到是計劃將來於當地定居?佢話:「我有諗過搬去檳城,因為有次去檳城旅行,我同太太都好鍾意,咁啱朋友介紹,睇到個樓盤,唔係即刻買,我都計好多數,跑到氣咳,大家都鍾意,咪當係大家嘅一份禮物,第日旅行住又好,過三、五、七年我想放慢工作又好,甚至乎我繼續做嘢都可以喺馬來西亞住㗎嘛,咁近三個鐘頭機。」

姜皓文
姜皓文
去年10月,姜皓文趁結婚18周年,喺馬來西亞檳城買樓送畀太太。
姜皓文
姜皓文
對於太太金慧英近年改名殷寧,黑仔話:「佢覺得個名靚,貪玩啫!」

愛玩煮飯仔

問佢閒時同太太做咩多?黑仔回答:「我有我,佢有佢,哈!佢鍾意啲花花草草,好鍾意魂遊太虛諗啲佢自己世界裡面嘅嘢,但係每年我哋都會一齊放假去旅行,因為我哋生日同結婚周年連住幾日,平時就一齊煮吓飯,依家我唔鍾意出街,飲酒又唔揸得車,我依家都少飲,因為我好控制唔到自己,我會追酒飲,飲完亂晒籠,又斷片,好恐怖㗎,試過同朋友返內地飲酒,飲到唔見咗我,我去咗第度唔知同邊個飲,瞓醒褲袋一大疊咭片,所以好危險。」

姜皓文
姜皓文
姜皓文閒時會同太太殷寧一齊煮吓飯仔。
姜皓文
姜皓文
問到拍咁多戲,有冇女埋身?黑仔話:「冇呀,邊有咁多女埋身,咁犀利咩?除咗以前曳吓之外,咁耐都真係未試過。」

捱足33年苦盡甘來

人生浮沉,黑仔反自嘲自己只得沉,幸好最終他亦捱到出頭天,片約不斷,而近年黑仔最爆嘅角色相信是電影《翠絲》中演變性人,黑仔透露:「拍《翠絲》嗰陣情緒好波動!個個都成日催我睇醫生,係難抽離!」

姜皓文
姜皓文
首演跨性別題材,直言拍攝期間曾暫居酒店,以免將情緒帶返家,甚至拍罷仍感到壓抑。
姜皓文
姜皓文
黑仔透露:「拍《翠絲》嗰陣情緒好波動!個個都成日催我睇醫生,係難抽離!」

反觀《鐵探》,黑仔拍同惠英紅(紅姐)拍劇都好有壓力,「話晒影后,好彩紅姐好人啫,紅姐真係好到不得了,佢真係超級偉大,拍之前佢會幫你暖場,等你對住佢唔會好大壓力,我依家發覺原來惠英紅係一個小妹妹嚟,佢真係少女到不得了,同我講吓食嘢、買嘢、減肥,好開心嘅!」

姜皓文
姜皓文
《翠絲》是緊接著夥惠英紅拍《鐵探》。
姜皓文
姜皓文
《翠絲》是緊接著夥惠英紅拍《鐵探》。

遺憾未能衝擊金像獎影帝

雖然人生經歷不少低潮,但如今回頭一看,也許一切皆是上天給姜皓文的考驗。人生崎嶇不平,亦正因如此,一切的經歷更有助他代入角色演戲!雖然在今屆金像獎中,姜皓文未能憑《翠絲》奪得最佳男主角,但是他的演技絕對是肯定的!

姜皓文
姜皓文
上屆金像獎,姜皓文憑《拆彈專家》獲最佳男配角。
姜皓文
姜皓文
姜皓文雖未能憑《翠絲》奪得最佳男主角,但是他的演技絕對是肯定的!

延伸閱讀:

濕疹與腸胃濕熱有關嗎?健脾3大法+中醫推介4大袪濕食物

關注我們Facebook專頁