紅磡懷舊蝦多士+流心厚多士 街坊茶餐廳破格賣德國豬手|區區搵食
2019年06月14日22:27

紅磡新開的茶餐廳1仔冰室,看表平平無奇,番開餐牌,食物卻比不少茶餐廳豐富,常見的茶餐廳小吃、到懷舊食品像蝦多士,到大牌檔式食物如籠仔蒸蝦通通都有!

選文:飛 拍攝:Scott

招牌籠仔荷葉蒸飯 +鑊氣小炒

翻看餐牌,會發現這裡真係乜都有得食,大廚有見茶記鄰近黃埔花園、附近亦有很多住宅,故諗出籠仔荷葉蒸飯,有鮮鮑魚、海蝦等配料選擇,一人份都係七十多元,做晚餐已不錯;又有即叫即蒸的肉餅,還有鑊氣小炒、焗飯、炒粉麵飯等選擇。

籠仔荷葉蒸海蝦飯$78/細、$128/大

用冰鮮蝦開邊放上蒜蓉蒸熟,下面是蛋白 炒過的飯底,以荷葉包好飯和蝦蒸煮,吃 著滲有淡淡荷葉清香,屬茶記少有菜式。

脆炸德國鹹豬手$108

豬手出水後用香料醃香放入雪 櫃,待有 order 才慢火炸得皮香肉 脆,最啱配啤酒吃。

而下午茶的小食也不忽視,如變奏版蝦多士,一份有齊四種口味的金磚四角西多士等,顧及小朋友、女士等愛吃甜食或胃口較細。 正如老闆 Tony 所言,呢間茶記就好似自己個仔咁,希望慢慢湊大佢,之後可以延續開分店,湊大更多個仔!

經典蝦多士 $45

從傳統的蝦多士變奏出來,換上長法包 塗上自家調配的蝦膠,賣相似蒜蓉 包,是受歡迎的下午茶小食。

吞蛋厚多士$33

即厚多士放上吞拿魚、芝士,加埋雞蛋焗香,切開係流心蛋黃,用麵包蘸來吃更美味。

切開流心

物流轉行開餐廳 老闆:想街坊坐得舒服食好嘢

老闆李先生(Tony)從事物流業廿年,本身好鍾意食嘢,私房菜、茶餐廳乜都愛試,一直很想開間似樣的茶餐廳,讓食客坐得舒服食好嘢!

從事物流業近廿年的 老闆Tony,首次接觸飲食業。

甫進茶餐廳,陳設裝潢已與一般茶記不同,原來 Tony其中一個拍檔很喜歡Tiffany blue呢隻顏色,故講明一定要以這湖水藍色作主調,襯淺木色餐枱;又有見坊間茶記枱凳都偏細,一唔小心就會倒瀉食物,所以特別將枱凳訂製得闊身啲,卡位又唔會頂腳,營造舒服的用餐環境,讓街坊食客享受安樂茶飯。

老闆Tony的兒子本身做設 計,當然要為爸爸新開的茶 記花心思,這幅富香港特色 的牆畫裝飾,有趣搶眼。
茶記以湖水藍色做色調,走新派路線,闊落好坐。

1仔冰室

地址:紅磡必嘉街92-112號紅磡灣中心地下9C 號舖

電話:3118 8111

營業時間:7am-11pm

延伸閱讀:

日劇推薦2019|上半年5套必看日劇 口碑好 收視高 話題十足

譚仔三哥全線分店走塑!紙飲管取代膠飲管 可自攜外賣器皿買米線|區區搵食

關注我們Facebook專頁