鄧鉅明夫婦想帶細仔齊行善
2019年06月16日03:00
■鄧鉅明與太太鄧宣宏雁今次率領一批同事及朋友撐場。

【星島日報報道】(星島日報報道)鄧鉅明伉儷昨日到荃灣出席長者探訪活動,鄧鉅明率朋友及同事為太太撐場,十分恩愛!談到父親節,鄧鉅明笑言要太太多愛錫他,又期望帶細仔三人行齊齊做善事。

太子珠寶鐘錶主席兼行政總裁鄧鉅明與鄧宣宏雁夫婦、胡楓等昨日到荃灣出席保良局探訪長者活動,身為總理的鄧太與老公率領了一批同事及朋友撐場,二人表示已第四年參與。

問到父親節會如何慶祝?鄧鉅明笑言:「會叫老婆錫我多點!父親節好特別,今年我哋會帶埋同事及朋友、一齊去東莞一位朋友的農莊,有110畂大,大家一齊接觸一下大自然,然後再參觀當地的科技公司總部,感受一下內地嘅科技進步,係一項好特別的節目。(仔仔會陪你去?)細仔仲喺英國未返,佢都有興趣參觀,等我做先頭部隊、下次再同佢去。(父親節冇表示?)我都期待佢張心意卡,往年佢都會有表示。」鄧太又指若然仔仔在香港一定會帶他探訪長者做義工,期待仔仔暑假返港一齊出遊。

提到近日社會氣氛緊崩,鄧生指所有事都有正面與負面的睇法,無論對錯都應該開心面對,希望社會能夠安定。鄧太坦言作為父母,對年輕人面對的困境感心痛,鄧生則說:「希望問題快點過去,下雨天之後總會有陽光。」

關注我們Facebook專頁