【專訪】許廷鏗《拾》回初心 自爆有首歌10分鐘就錄完
2019年12月05日17:34

入行10年的許廷鏗(Alfred)最近推出第10張新專輯《拾》,Alfred直言新專輯見證了某種堅持,因為出實體碟不容易,希望將來繼續可以出碟給大家聽。

講到新專輯《拾》的名稱,Alfred解釋之所以用「拾」這個寫法,有兩種意思:「第一種就是拾回一啲初心,或者拾回返一個開心嘅樣。另外一方面,其實剔手邊做個合,對於我嘅解讀來說就好似有好多唔同嘅手合作而成嘅一隻碟。所以我就唔係用嗰個十,而用呢個拾。」

對於許廷鏗來說,《拾》這張專輯可以令他找回入行時的衝勁:「其中有隻歌叫《拾》,呢隻歌其實我去錄之前,特登搵返自己初出道時嘅一隻歌叫《面具》,搵返嗰把聲來聽,然後我同監製于逸堯講話好希望可以錄得返嗰把聲。最緊要係搵得返嗰陣時錄音嘅純粹,唔係好雕琢,而係好Enjoy錄音過程的感覺。」

《拾》封面設計亦十分有心思,除了本身的「雪糕封面」之外,大家亦可以自行摺出喜歡的專輯封面,一共有10款不同的「許廷鏗」。Alfred表示10款封面由不同人幫自己影:「全部都係我呢10年來幫助我嘅團隊!」

問到《拾》中,自己對哪首歌最有感覺?許廷鏗就笑言對其中一首叫《你可能未必不喜歡我》特別有情意結:「呢隻歌同我以前所有錄音嘅歌嘅感覺同過程都唔同。最唔同嘅地方係用咗10分鐘就錄完,不嬲我做嘢都希望儘量盡善盡美,所以一般都唔會肯畀一隻錄10分鐘嘅歌出街,但呢隻歌特別之處就係大家聽到嘅錄音,其實係我同監製于逸堯去試key時嘅錄音。」點知試完key就錄完,因為呈現到純粹的感覺,監製大讚合格有餘!

關注我們Facebook專頁