南區草地:【海景大草地一流日落景緻!】- 數碼港海濱公園
2020年02月13日16:26

香港寸金尺土,要搵一片草地比毛孩同小孩放電,真係唔容易!小編以係南區閒時lunch time都會過黎數碼港海濱公園整個野餐,望住個海聽下海浪聲,享受和熙既陽光、藍天白雲。而不折不扣豪宅區及商業區,周圍都是別墅,穿過商場就會見到個臨海既大草地,如果困係屋企既毛孩同小孩太悶,呢度空氣流通,環境開揚,而且非常適合影相同野餐,真係個唔錯選擇!呢度位置位於港島南,如果睇日落仲要係一流景觀!

▲數碼港海濱公園佔地60萬平方呎,草地一望無際。

▲好多家庭都會選擇去數碼港野餐聚會,不過依家呢個時期似乎唔適合咁多人聚集,兩小口加上小朋友、狗狗放電一兩個鐘,以解home office 之悶。

▲面臨南中國海更時心擴神怡,不過公園本身冇設立人類廁所同狗廁所,而好多附近居住既狗狗都係家傭負責放狗,草地上踏中地雷絕對有可能!而人類廁所就要行返去商場。

▲冇帶野餐墊朋友,都可以選擇坐係長椅上,細心欣賞夕陽西下既變化。

▲唔少附迎居民黎呢度跑步,迎住海風確係一流!

▲周六日都有好多狗主帶自己既愛犬出動,咁大地方跑跑跳跳最開心!

數碼港海濱長廊

地址:香港鋼綫灣貝沙灣道數碼港海濱長廊

交通:https://bit.ly/2SAXkKA

文字來源:香港人遊香港

這篇文章 南區草地:【海景大草地一流日落景緻!】- 數碼港海濱公園 最早出現於 香港人遊香港

關注我們Facebook專頁