【車廂偷食】無綫為朱智賢播「洗白片」 網民劣評如潮
2020年05月03日07:00

朱智賢與人夫黎振燁「偷情」事件爆出後,TVB即為朱智賢及謝東閔手拖手開記招;而黎振燁亦與太太接受訪問,試圖為新聞降溫。星期六有報道指,由於朱智賢有3套劇未上,為了收視高層希望為女方「洗白」,而記者會當日的講稿,據聞更是由藝員部出手。

最近TVB又有新搞作,為朱智賢製作了一條片長約分半鐘的短片,讚揚她過往為工作打拼的表現,希望改為觀眾對她的睇法。不過去年黃心穎亦與許志安「偷食」,未獲大台製作洗白短片,反而人氣較差的朱智賢卻獲厚待,有傳與《3日2夜》監製、無綫非戲劇分部經理暨節目監製張志明有關。

張志明接受傳媒訪問時,直言希望朱智賢停工後,可繼續擔任《東張西望》主持:「我睇住佢入行,我相信佢唔係咁嘅人,但係佢今次真係做錯,希望畀多次機會佢!」他又表示,洗白短片是希望大家了解一些在幕後默默耕耘的演員,並不是專為朱智賢製作。

話雖如此,網民似乎不太受落,紛紛留言表示:「大肚婆都hurt,仲要話抽離唔到!話佢神經病都抬舉佢」、「好心啦朱朱前朱朱後肉酸到呢」、「破壞人家庭 無乜內涵囉 男個個更加係賤男囉」

關注我們Facebook專頁