陳豪回應三千萬續約:多謝咁睇得起我
2020年05月16日03:00
■陳豪與羅仲謙終於碰頭可以交流湊仔經。

【星島日報報道】(星島日報報道)無線新劇《陀槍師姐2020》昨日於土瓜灣進行外景拍攝,兩位爸爸藝人陳豪及羅仲謙終於碰頭且大談湊仔經。日前有報道指陳豪去年以3,000萬元獲無線包薪續約,對於有關報道他不禁失笑:「都係嗰句,好多謝大家咁睇得起我!」

日前有報道指陳豪於去年以高價3,000萬元包薪續約無線,換言之即使無劇拍也可以每月穩袋幾十萬元,令不少藝人極為羨慕。談到有關報道時,陳豪都忍不住偷笑,他笑說:「都係嗰句,好多謝大家咁睇得起,我會繼續努力,做得好啲!」然而,去年無線3月發出盈利警告,料全年虧損約2億元。

問到咖啡店生意於疫情下可有受影響?陳豪坦言跟疫情前相比跌幅相當大,畢竟是全球經濟也受影響。問到是否虧蝕嚴重?他說:「咁又無,坦白講,疫市之中我哋算做得唔錯。」再問擴展計畫是否已暫緩?他說:「絕對!有好幾個商場鋪位本來傾得七七八八,但全球經濟受挫,只好更加小心、步步為營。」

此外,問到陳豪可有跟新手爸爸羅仲謙分享湊仔經?陳豪說:「呢套劇比較慘,我哋兩條線分開拍,聚頭時間比較少。剛剛見到佢就有傾湊仔經,佢哋做得好OK呀!」疫情放緩後又會否探楊怡?他說:「係會嘅,我都想探楊怡同睇吓BB,睇吓點安排啦,或者過咗第一個月先。」陳豪特別提到疫情雖稍放緩,可放鬆但不可鬆懈,大家仍要注重個人衞生,要戴口罩勤洗手。

另外,羅仲謙透露女兒「小珍珠」昨日滿月,他坦言疫情下四周環境仍不算十分理想,下班後會跟家人吃飯及切蛋糕慶祝,避免有太多社交活動。提到《陀槍》將於6月煞科,問到可會心急快點完成拍攝、回家照顧女兒?謙仔說:「我反而唔心急,因為套劇9成動作戲都係我身上。我自己就安全至上,因為唔想屋企人擔心。唔急得,急好容易有意外。」提到太太楊怡首度母親節,問他送上甚麼禮物?他笑笑說:「當日同三個媽媽慶祝,食咗一頓好豐富嘅晚餐。送咩就唔講喇,係一份我哋兩個人好值得回味嘅事。」

關注我們Facebook專頁