靚湯馬明隔空晒恩愛放閃
2020年07月22日03:00
湯洛雯的這張照片疑似由馬國明操刀。

【星島日報報道】馬國明與湯洛雯愛得高調,日前靚湯穿上馬明至愛的卡通人物唐老鴨Tee「放閃」後,網民已講足幾日,想不到靚湯樂此不疲,昨日便上載同一件衫的食雪糕照片,並寫道:「唔知幾時先可以再出去食雪糕呢?」又指自己因為沒有出過街,故只能上載同一輯照片,寄語大家留在家中抗疫。馬明亦相當識做,即時回應了兩個為食樣的emoji,繼續隔空晒恩愛。

不過,網友今次的重點並非唐老鴨Tee,而是雪糕上有兩隻匙羹,笑問兩人是否一人一啖同食一杯雪糕,又搞笑指反正兩人已是戀人,何不共用一隻匙羹加環保咁話,相信「湯馬戀」會繼續為網友「派花生」。

關注我們Facebook專頁