牛頭角美食:【本土麵包店將登場!爆醬流心飛碟包!衝擊味覺芫荽口味蒜蓉包!】
2020年08月13日13:26

本土麵包店「森林麵包」即將喺8月18日登場! 麵包店選址牛頭角前老字號麵包店「新雄雞」嘅位置,希望可以傳承本土舊式製作麵包技藝! 麵包店糅合傳統同創新元素,除咗推出經典港式麵包如飛碟包、爐底麥同沙翁等之外,亦製作一系列打卡必食包點,如爆醬流心飛碟包、菠蘿方包、 芝心拉絲菠蘿包同居家抗疫必試D.I.Y「冷凍菠蘿油」等!其中芫荽蒜蓉包更加衝擊各位味覺,超大膽又創新!

▲ 創新地將傳統菠蘿包同百搭多變嘅方包結合,製作出不同口味嘅至「脆」菠蘿方包!包括黑芝麻湯圓菠蘿方包、宇治抹茶紅豆菠蘿方包同紫薯菠蘿方包!

▲ 黑芝麻湯圓菠蘿方包:黑芝麻配上煙韌鮮奶麻薯!

▲ 而家仲可以外帶「冷凍菠蘿油」,師傅先將菠蘿包焗至8成熟然後馬上進行急凍在家,加熱就食得!

▲ 芝心拉絲菠蘿包:外酥內嫩嘅菠蘿包包裹著咸香芝士, 口感咸咸甜甜!

▲ 新店亦提供各式各樣鹹包,當中包括了好香口嘅蒜蓉包,包括芫荽口味、明太子同芝士口味!

▲ 芫荽口味衝擊各位味覺!

▲ 飛碟包加入了近年港人至愛嘅爆醬流心餡,包括OREO、阿華田、鷹嘜煉奶同宇治抹茶味,溫熱酥脆嘅外層配上幼滑綿密嘅流心餡,每日限量100個,賣完即止!

▲ OREO好有港式風味!

森林麵包

地址:牛頭角振華道70號樂華北村商場111號舖

開店日期:2020年8月18日

營業時間:每日6am至9pm

文字來源:香港人遊香港

The post 牛頭角美食:【本土麵包店將登場!爆醬流心飛碟包!衝擊味覺芫荽口味蒜蓉包!】 appeared first on 香港人遊香港.

關注我們Facebook專頁