【晒小三角】Aka趙慧珊MV獻出第一次 衝浪屢跌狂飲海水
2020年10月22日12:04

趙慧珊(Aka)推出本年度第二首新歌《Fearless》,歌曲意旨人生路上雖會遇到不少恐懼或憾事,但只要以正確心態面對,學懂擁抱恐懼,即能將恐懼化作進步的動力。為配合新歌主題,不諳水性的Aka,日前拍攝MV獻出人生的第一次,挑戰恐懼,大玩水上直立板運動,Fit爆的Aka更大派「福利」,以兩件頭泳裝上陣,大晒纖腰及42吋修長美腿,認真吸睛。

Aka為新歌《Fearless》到大嶼山拍攝MV,除了首度在熒幕前以泳裝示人,不諳水性的她更要克服恐懼,在海中用直立板拍攝多個考平衡力鏡頭,雖然Aka要在水中浸足數小時,且被大浪擊倒連番跌落海,但表現專業的她未有氣餒,且愈拍愈起勁,似乎跟歌曲主題一樣擁抱恐懼,她表示:「第一次嘗試喺海中用直立板玩平衡力,感覺既興奮又緊張,亦係暫時最難忘嘅MV,現場好大浪,淨係攞住直立板落水,都被大浪衝倒好多次,感覺都驚驚地,之後出海考平衡力,都跌咗好多次落海,飲咗好多海水,有一刻在海中,發現自己對腳掂唔到地,真係好驚。」

MV拍攝當天適逢氣溫回落,陣陣涼風吹到Aka震騰騰,要不斷飲薑茶暖身,而拍攝期間,Aka媽媽亦有「監場」,問到媽媽是否不放心她落水拍攝?Aka表示:「細個我試過浸親,所以不熟水性,佢有點擔心我今次拍攝,亦都擔心我會凍親,於是就嚟睇吓,佢煲咗大煲薑茶嚟!」

提到今次以兩件頭泳裝上陣,Aka自言是首度在人前穿三角褲,感覺有點尷尬:「從未試過着泳衣拍MV,第一次着三角褲,第一次咁大膽。」為了以最Fit身型示人,Aka事前做足準備工夫,她謂:「本身有操開(做gym),為了今次MV,事前再操多啲,而且戒食甜品,冇得食我最愛嘅雪糕同乳酪。」

對於新歌內容提及恐懼同憾事,問到Aka人生中可有遺憾的事?她笑言多的是:「其中一樣,之前我跳芭蕾舞,因為要讀預科,冇爭取入讀演藝學院,對我來說是一件遺感嘅事,但我總覺得人生冇遺憾,先係遺憾。」

關注我們Facebook專頁